PACIFICAE Literae

PACIFICAE Literae

in concilio Eliberitano A. C. 305. C. 81. Ne feminae suô potius, absque maritorum nominibus, Laicis scribere audeant, qui fideles sunt, vel literas alicuius pacificas ad suum solum nomen scriptas accipiant: videntur appellatae generatim omnes epistolae amcae, pacis ac divinae charitatis conciliatrices, mexime quae Clericis inopiae causâ alio proficiscentibus, ab Episcopis, dabantur. Hinc vetus Interpres Concilii antiocheni A. C. 341. c. 8. Presbyteri qui sunt in agris, Canonicas Epistolas dare non possunt ---- Chorepiscopi autem, qui sunt irreprehensibiles, dare possunt Pacificas, i. e. generales. Ubi Graeca editio tantum Εἰρηνικὰς praefert. Vel etiam quae ab Archiepiscopis concedebantur Episcopis, ad Imperatorem legatis: Item quae iniuste oppessis ab iisdem dabantur. Vide Formulas veter. Tom. II. conciliorum Sirmondi p. 667. Franc. Turrianum l. 3. pro Epistol. Pontif. c. 4. Ferrarium Antiqq. Eccles. l. 1. c. ult. cl. Iustellum ad Can. 8. Conc. Antioch. et ad Can. 11. Conc. Chalced. et Cl. Suicerum thesauro Eecl. voce Εἰρηνικὸς, ubi etiam Εἰρηνικὰ in Graecorum Liturgiis dici, quae Diaconus extra Tabernaculum recitat, dum in Tabernaculo Sacerdos secreto orationem dicit> sicque appellari, quod nil aliud quam preces sint pro pace, addit. Vide quoque eum in Συναπτή.